Eriona Bixha lindi më datë 28 Prill 1992, në Tiranë. Ka përfunduar studimet Bachelor për Shkenca Politike dhe studimet Master Shkencor në degën Studime Rajonale Politike, në Fakultetin e Shkencave Sociale, Universiteti i Tiranës. Gjithashtu, ka kryer edhe një Master të dytë shkencor në degën e Drejtë Publike dhe Ndërkombetare. Ka një eksperiencë profesionale prej rreth 10 vitesh si në sektorin privat ashtu edhe në atë shtetëror. Eriona Bixha ka filluar angazhimin e saj në politikë në vitin 2011 pranë Lëvizjes Rinore për Integrim. Prej vitit 2012-2016 ka qenë Kryetare e Studentëve të strukturës Lëvizja Rinore për Integrim. Prej vitit 2012-2022 ka qenë anëtare e kryesisë së Partisë Lëvizja Socialiste për Integrim. Në periudhën nëntor 2016-2020 ka qenë Sekretare Organizative e Partisë Lëvizja Socialiste për Integrim.
Në periudhën 2015-2019 ka shërbyer si anëtare e Këshillit Bashkiak të Tiranës dhe anëtare e Këshillit të Qarkut Tiranë.
Në vitet 2013, 2017, 2021 ka kandiduar si deputete në qarkun e Tiranës.
Në tetor 2022, Eriona zgjidhet anëtare e Komitetit Drejtues Kombëtar të Partisë së Lirisë.
Eriona Bixha aktualisht është edhe anëtare e Kryesisë së Partisë së Lirisë.
